हमर छत्तीसगढ़ के स्थापना दिवस के गाड़ा - गाड़ा बधाई - नीता झा
हमर जन्मभूमि के स्थापना दिवस के सबों झन ल गाड़ा - गाड़ा बधाई
माइ घलो खुस होवत है संगी...
माई घलो खुस होगे
आगे तिहार ओ बहिनी सुघ्घर,,
हमर जम्मो अधिकार के...
हमर जम्मो अधिकार
बनगे बहिनी छत्तीसगढ़ हमर,,
छत्तीसगढ़ सरकार रे...
छत्तीसगढ़ सरकार
बानी बानी के बोली भाखा अऊ,,
बानी बानी के गोठ रे बहनी...
बानी बानी के गोठ।।
किसम किसम के तिहार रे बहिनी,,
किसम किसम के तिहार...
खाए पिए बर बनथे मुठिया, ठेठरी,,
दूध फरा बड़ मीठ रे बहिनी...
दुग्ध फरा बड़ मीठ।।
धान कटोरा भरे रहे अऊ,,
गाय गोरु भरे गोठान रे बहिनी...
भरे रहे गोठान।।
माई लोगिन गाए सुआ, ददरिया,,
गाड़ा गाड़ा लुए धान रे बहिनी...
गाड़ा गाड़ा लुए धान।।
चारो मुड़ा होगे सुंदर सुघ्घर,,
बाबू नोनी पढ़े विद्या रे बहिनी...
बाबू नोनी पढ़े विद्या।।
बानी - बानी के खाई खजाना,,
किसम किसम के हाना रे बहिनी...
किसम किसम के हाना।।
राउत के नाचा ह गांव सहर भर,,
गाए मैना कस माई रे बहिनी...
गाए मैना कस माइ।।
बैला - बाड़ी,खेती, तरिय हरियागे,,
छत्तीसगढ़ के तिहार- परब रे बहिनी...
आगे सब्बो तिहार।।
घरों घर गावत हे सुवा रे बहिनी,,
गावत हे सुघ्घर सुआ...
नीता झा
🙏🙏👌👌
जवाब देंहटाएं